HEIDI RUUD ELLINGSEN
Skodespelar og dansar frå Narvik. Fekk sitt store gjennombrot etter at ho vann Drømmerollen på NRK, og med det hovudrollen i "Singing in the rain" på Oslo Nye Teater. Spelar for tida i "Spring awakening" på same teater. I Sol av Isfolket spelar Heidi ungjenta Sol.

SVEIN HARRY SCHÖTTKER HAUGE
Svein Harry Schöttker Hauge var ferdig på Statens Teaterhøgskule i 1992. I 1994 vart han tilsett ved Rogaland Teater. Hausten 2009 var han å sjå som tittelrolla i "John Gabriel Borkman" på Hovedscenen. I Sol av Isfolket spelar Svein Harry Tengel den gode.

FRODE WINTHER
Frode Winther er utdanna ved ArtsEd School of Acting i London (1997-2000). I 2004 starta han ved Den Nationale Scene i Bergen. Frode er for tida aktuell med Tennessee Williams´ "En sporvogn til begjær", og i rolla som Kjell Alrich Schumann i filmen om NOKAS-ranet. I Sol av Isfolket spelar han Heming fogdedrepar.

CATO SKIMTEN STORENGEN
Skodespelar, utdanna ved Statens Teaterhøgskule. Fast tilsett ved Rogaland Teater. Kjent frå TV 2-serien "Hvaler". Cato er frå Sør-Aurdal i Valdres. I Sol av Isfolket spelar han Laurents Berenius.

SILJE ONSTAD HÅLIEN
Profesjonell dansar frå Valdres, utdanna ved Den Norske Balletthøyskole og Dance New Amsterdam i New York. Ho er og ein dyktig tradisjonsdansar med tilknyttning til både folkemusikkmiljøet i Valdres og det etterkvart så kjente dansekompaniet FRIKAR. Silje er energisk, positiv og ikkje minst ein fantastisk dansar. I Sol av Isfolket dansar ho trollkvinna Hanna.  

ELLEN BIRGITTE WINTHER
Ellen Birgitte gjekk ut av Statens Teaterhøgskule i 2000. Sidan har ho arbeida ved Hålogaland Teater, Trøndelag Teater, Det Norske Teatret, Radioteatret og NRK Drama. Våren 2010 er ho aktuell med Tennessee Williams´ "En sporvogn til begjær". I Sol av Isfolket spelar ho Silje.

OLA STINNERBOM
Siste skotet på skodespelarstammen er ingen ringare enn Ola Stinnerbom, ein av Sveriges fremste dansarar. Stinnerbom er ekspert på samisk dans, men lånar til dagleg dansesteg frå alle dansekultarar, både folkeleg dans og moderne dans. I Sol av Isfolket spelar Ola Stinnerbom Tengel den Onde, og trør både springar- og hallingsteg.