HEIDI RUUD ELLINGSEN
Skodespelar og dansar frå Narvik. Fekk sitt store gjennombrot etter at ho vann Drømmerollen på NRK, og med det hovudrollen i "Singing in the rain" på Oslo Nye Teater. Spelar for tida i "Spring awakening" på same teater. I Sol av Isfolket spelar Heidi ungjenta Sol.
SVEIN HARRY SCHÖTTKER HAUGE
Svein Harry Schöttker Hauge var ferdig på Statens Teaterhøgskule i 1992. I 1994 vart han tilsett ved Rogaland Teater. Hausten 2009 var han å sjå som tittelrolla i "John Gabriel Borkman" på Hovedscenen. I Sol av Isfolket spelar Svein Harry Tengel den gode.
FRODE WINTHER
Frode Winther er utdanna ved ArtsEd School of Acting i London (1997-2000). I 2004 starta han ved Den Nationale Scene i Bergen. Frode er for tida aktuell med Tennessee Williams´ "En sporvogn til begjær", og i rolla som Kjell Alrich Schumann i filmen om NOKAS-ranet. I Sol av Isfolket spelar han Heming fogdedrepar.
CATO SKIMTEN STORENGEN
Skodespelar, utdanna ved Statens Teaterhøgskule. Fast tilsett ved Rogaland Teater. Kjent frå TV 2-serien "Hvaler". Cato er frå Sør-Aurdal i Valdres. I Sol av Isfolket spelar han Laurents Berenius.
KRISTINE MARI HANSEN
Profesjonell dansar frå Narvik, utdanna i London. Kristine Mari er sterk og temperamentsfull, sjarmerande og poetisk. I Sol av Isfolket dansar ho trollkvinna Hanna.
ELLEN BIRGITTE WINTHER
Ellen Birgitte gjekk ut av Statens Teaterhøgskule i 2000. Sidan har ho arbeida ved Hålogaland Teater, Trøndelag Teater, Det Norske Teatret, Radioteatret og NRK Drama. Våren 2010 er ho aktuell med Tennessee Williams´ "En sporvogn til begjær". I Sol av Isfolket spelar ho Silje.
OLA STINNERBOM
Siste skotet på skodespelarstammen er ingen ringare enn Ola Stinnerbom, ein av Sveriges fremste dansarar. Stinnerbom er ekspert på samisk dans, men lånar til dagleg dansesteg frå alle dansekultarar, både folkeleg dans og moderne dans. I Sol av Isfolket spelar Ola Stinnerbom Tengel den Onde, og trør både springar- og hallingsteg.
LEIF STINNERBOM
Regissør
Teatersjef ved Västanå Teater i Värmland. Leif Stinnerbom let seg inspirere av austleg teater og har uvikla sin eigen teaterfilosofi med eit skandinavisk uttrykk. Stinnerbom grip fatt i det djuptliggande uttrykkspotensialet i den folkelege kulturen og skaper fargesterke og kreative rom for sin kunstform.
INGER STINNERBOM
Kostymedesignar
Inger Stinnerbom er ein av dei fremste kostymedesignarane i Sverige og ansvarleg for kostyma i Sol av Isfolket. Inspirasjon hentar ho frå gamle, norske draktskikkar. Dette finn ho i rikeleg monn, mellom anna i arkivet til Bunad- og folkedraktrådet på Fagernes.
ELDGRIM SPRINGGARD
Manusforfattar
Eldgrim Springgard er sterkt engasjert i kulturlivet i Hallingdal og har gjort suksess med teateroppsetjingar i og utanfor Hallingdal. I Sol av Isfolket har Springgard skrive manuset på blankvers, slik William Shakespear gjorde det.
MARIT KARLBERG
Komponist, kvedar og forteljar
JAN BEITOHAUGEN GRANLI
Hardingfele og fele
RUNE GLIMSDAL
Tangentinstrument, perkusjon
EILIF GUNDERSEN
Fløyte, bukkehorn og lur
STEIN VILLA
Lyre, fløyter, gitar, mm.